სიმაღლე მინდაოში: ხვადი: 64_68სმ ძუ: 60_64სმ დასაშვები სხვაობა 2სმ წონა: ხვადი: 45_50 კგ ძუ: 40-45 კგ შეფერილობა: შავი, ვეფხვისებრი, რუხი, წაბლისფერი, ჩალისფერი. წარმომავლობა: იტალია
ბასკერვილების ძაღლი, _ ასე უწოდეს იტალიური ჯიშის ძაღლს კანე კორსოს, რომლის ერთი ღრენისაგან საფრანგეთში ფრიად ცნობილ მძარცველს დანაშაულების ადგილზე გული გაუსკდა. სპეციალისტების აზრით, კანე კორსო მსოფლიოში ყველაზე საიმედო მცველი ძაღლია. თვით ჯიშის სახელწოდებაში განსაზღვრულია მისი სახელწოდება: მეპატრონის, ოჯახის და ქონების დაცვა. კანე კორსო ითარგმნება, როგორც კარის მოდარაჯე ძაღლი. არც თუ დიდი ხნის წინ გადაჯიშების ზღვარზე მყოფი კანე კორსო დღესდღეობით მსოფლიოში ყველაზე ელიტარული, ძვირადღირებული ჯიშების სათავეში დადგა. ეს განაპირობა მისმა საუკეთესო სამუშაო თვისებებმა, მაღალმა ინტელექტმა, კეთილშობილებამ, საიმედოობამ და სტაბილურობამ. კანე კორსო მეპატრონის ოჯახის მიმართ ფანატიკურად ერთგულია. უკან არასდროს იხევს საფრთხის წინაშე, მომენტალურად აფასებს სიტუაციას, თითქმის უსიტყვოდ ესმის მეპატრონის, აუცილებლობის შემთხვევაში კი თვითნებურ გადაწყვეტილებებსაც ღებულობს. შესანიშნავი ინტუიციის წყალობით, კანე კორსო მომენტალურად განასხვავებს მეგობარს მტრისგან, შეუცდომლად გრძნობს თვით ყველაზე დაფარულ აგრესიულ ზრახვებს. კრიტიკულ სიტუაციაში კანე კორსო, თანდაყოლილი დამცავი რეფლექსით, როგორც ამბობენ, ნამდვილი ფარ-ხმალია მთელი ოჯახისთვის. მსოფლიოში კანე კორსოს რეიტინგი ძალიან მაღალია. მას გამოიყენებენ ბანკების, ოფისების, მოდური ბუტიკების, საიუველირო სალონების, ელიტარული ბარ-რესტორნების, ვილების, კოტეჯების, ბინების (წინა საუკუნეებში _ სასახლეების, ეკლესია-მონასტრების) დასაცავად, ასევე უსაფრთხოების სამსახურში, პირადი მცველის ფუნქციითაც. ბოროტმზრახველისთვის თავზარდამცემი კანე კორსო გამოირჩევა სილამაზით, ელეგანტურობით, განსაცვიფრებელი დინამიკურობით და პლასტიკით, ავაზისებური მოძრაობით. აქვს რკინისებური ჯანმრთელობა, არის ამტანი, აკმაყოფილებს მცირედი კვება, თავისი სისუფთავითა და დისციპლინირებულობით მოსახერხებელია ბინაში და აგარაკზე შენახვისათვის. თავშეკავებული, გაწონასწორებული, მდგარი ფსიქიკის კანე კორსო სტუმრების მიმართ კეთილგანწყობილი და მშვიდობისმოყვარეა, არ საჭიროებს დაბმას. საკმაოდ ჭკვიანი და დამჯერია, შესანიშნავად ექვემდებარება წვრთნას. ალერსიანი და ნაზია შინაურებთან ურთიერთობაში, არასდროს ავლენს აგრესიას.განსაკუთრებით უყვარს ბავშვები, პატიობს ნებისმიერ ონავრობას და საქციელს. საუკეთესო ძიძა და კომპანიონია თამაშში. ლიტერატურისა და ხელოვნების ძეგლები კანე კორსოს უძველეს წარმომავლობაზე მიუთითებენ. ძვ.წ. 1121 წელს ჩინელ იმპერატორს დიდი ტიბეტელი მბრძანებლისგან საჩუქრად მიუღია ადამიანთა დაჭერაში გაწვრთნილი მოლოსი (კანე კორსო მოლოსოიდურ ჯიშს განეკუთვნება). I საუკუნის რომაელმა ავტორმა კოლუმელომ მოლუსუსად წოდებული რომაული მოდარაჯე ძაღლის დაწვრილებითი აღწერილობა დატოვა: ეს არის ძაღლი, რომელიც დღედაღამ იცავს, თვალებიდან ცეცხლისმფრქვეველი, ფართომკერდიანი, დიდი თავით, კომპაქტური; სრულიად შეუმჩნევლად მიუახლოვდება დაუპატიჟებელ სტუმარს. სიტყვა კორსო ლიტერატურაში პირველად XVI ს-ში (თეოფილო ფოლენგოს ნაწარმოებებეში) გაჩნდა და დაკავშირებული იყო ძლიერ , მამაც ძაღლთან, რომელიც გამოიყენებოდა მცველად და ნადირობისთვის. სხვადასხვა წყაროები მოიხსენიებენ მას, როგორც ტახთან, დათვთან და მგელთან მებრძოლ ძაღლს. ისტორიული დოკუმენტები მეტყველებენ აღმოსავლეთიდან დასავლეთით ძაღლის ხანგრძლივ მიგრაციაზე, რომელიც დასრულდა მისი საბოლოო გარდაქმნით რომაულ მოდარაჯე ძაღლად. მოლოსის წინაპრად ითვლება ძველი აზიური ძაღლი, რომელიც გავრცელებული იყო ტიბეტისა და ჰიმალაების მაღალ მთებში. დროთა განმავლობაში ისინი მოხვდნენ აზიისა და ევროპის სხვადასხვა ქვეყანაში, გავრცელდნენ მესოპოტამიაში, მაკედონიაში, საბერძნეთში. კანე კორსოს ჯიშის შემდგომი ჩამოყალიბება და დახვეწა შუა საუკუნეებს უკავშირდება. ამ ჯიშმა განსაკუთრებით ფეხი მოიკიდა სამხრეთ იტალიაში. საუკეთესო მხედველობისა და ორიენტირების უნარით დაჯილდოებულ კანე კორსოს გამოიყენებდნენ ღამ-ღამობით (ლამპრის გარეშე) ენოტზე სანადიროდ. ისტორიულად კანე კორსო მეცხვარე ძაღლის ფუნქციითაცაღინიშნებოდა. მეორე მსოფლიო ომის შემდგომ, მკვეთრად შეცვლილ სოციალურ-ეკონომიკურ პირობებში, კანე კორსო იშვიათ ჯიშად იქცა. ამ ჯიშის აღორძინებისათვის დიდი წვლილი გაიღო მონტაველმა ბიოლოგმა, პროფ. ჯოვან ბონატიმ. 1996 წლის 12 ნოემბერს კანე კორსო საერთაშორისო კინოლოგიური ფედერაციის მიერ ოფიციალრად იქნა აღიარებული. თანამედროვე სამყაროში მას ახალი სიცოცხლე მისცეს და სრულყვეს მისი მისი სამუშაო ფორმები.
ვაუ მაგარია ძაან და ლეკვებს ფასი რა ექნებათ? და იცი რა მაინტერესებს ტიგროვები იქნებიან ხომ ყველანი?
ფასს რაც შეეხება წინასსწარ ლაპარაკი არ მიყვარს, სავარაუდოდ 600 დან 1200$ ამდე გააჩნია ლეკვის ხარისხს რაც შეეხება ფერს დიდი შანსია ყველა ვეფხვისებრი შეფერილობის იყოს!
სამშობლლო - იტალია (სიცილია) გამოყენება - კომპანიონი - მოდარაჯე სიცოცხლის ხანგრძლივობა - 9-11 წელი
კორსო კლასიკური მასტიფია. სხვა მასტიფებისგან იმით განსხვავდება, რომ კანი ნაოჭიანი არ აქვს. ძლიერი ძაღლია. კანე კორსო შეიძლება აგრესიული იყოს უცხოპირების მიმართ და ამიტომ ოჯახში ცხოვრებისთვის შესაგუებლად სერიოზული გაწვრთნა სჭირდება. კარგად გაწვრთნილი კორსო - დამჯერი და საიმედო კომპანიონია. ამ ძაღლებს ქუჩაში ცხოვრება შეუძლიათ და დიდი ფიზიკური დატვირთვა სჭირდებათ. კანე კორსოს ბალანი ხშირია, მოკლე, უხეში. მისი ფერი შეიძლება მრავალგვარ იყოს.
beka, ან ჩინგიზას შვილია, ან შვილიშვილი . ვეტყვი და იმედია შემოგვიერთდება . ცოტა უხარისხო სურათია, მაგრამ მაინც . რაც გრეი გავიცანი მაგის მერე შემიყვარდა ეგ ჯიში და ჩემი მეორე ძაღლი რომელიც მეყოლება აუცილებლად კორსო იქნება
ბექა! თქვენ რომელი სტანდარტით ხელმძღვანელობთ? და თეთრი ლაქა მკერდზე რამდენად მისაღებია (ზედა სურათში ძაღლს რო აქვს, იმ ზომის.)
ნაციონალური კლუბის მიერ მოწოდებული სტანდარტებით მაგრამ ეს ძაღლი რომელიც შენ სურათზე ნახე იტალიის ნაციონალური კანე კორსოს კლუბის პრეზიდენტის დე კიკოს პირადი ძაღლია და FCI - ს გამოფენების მიხედვით იტალიის 3 გზის ჩემპიონია!!!
ნაციონალური კლუბის მიერ მოწოდებული სტანდარტებით მაგრამ ეს ძაღლი რომელიც შენ სურათზე ნახე იტალიის ნაციონალური კანე კორსოს კლუბის პრეზიდენტის დე კიკოს პირადი ძაღლია და FCI - ს გამოფენების მიხედვით იტალიის 3-გზის ჩემპიონია!!!
ბექა, ჩემსას რაღაც აგრესია დაეწყო უცხოების მიმართ. როცა ღამე ვასეირნებ და ჩემსკენ ვინმე გამოიწევა უღრენს! რა ვქნა? რისი ბრალია ნეტავ?
შენი კორსო, თუ არ ვცდები, 6 თვისაა ხომ? ამ ასაკში ლეკვის ფსიქიკა ყალიბდაბა და უცნაურ რაღაცეებს აკეთებენ ხოლმე. არა ეს უცნაური არაა რომ უცხო ადამიანებს უღრენს უბრალოდ თავისი ჭკუით გიცავს თუ დაუშლი რამდენიმეჯერ მერე აღარ გააკეთებს. ამ დღეებში გამომიარე!!!
ბექა, სად არის ბოდიგუარდის ძაღლსაშენი, ესეიგი სად გყავს ძაღლები მაგ ამბავშვი ცოტა გამარკვიეთ
ცოტა არ იყოს და ვოლიერების წინააღმდეგი ვარ ამიტომ მეგობრებთან მყავს ძაღლები გადანაწილებული. კარგი ვოლიერის აშენება დაახლოებით 4000$ ჯდება და ჯერ ამის საშუალება არაა სამწუხაროდ
კანე კორსო, ბასკერვილების ძაღლი
Dec 13 2008, 04:30 PM
